Зиндагии чуд йи хьаранд мохигир, Винд даромад нимча аз бахри сагир. Вад йи гьин винд хагь ата хушруйизор, Ай дарего негьди я султонкатир. Ат ви пуц вуд ошики султон ризин, Яи баьд санд вуд ху сат кофари дин. Ат ви пуц там кози масод лак хабар, Кихьт ви кудак зери дарё зери чин. Ат ю султон там дар дарбори мир, Вуд ви сеюм амнихьин сеюм вазир. Цифта аз подхьоята вирт авратард, То гилимат бекасаб атласкатир. Эй пари, эй пари, вой Гулноро пари! Хир чи нистат вога ят хьоми дароз. Мохигири дьод чизон ху бар намоз, Чуди Мавлоярд сучуд ата салом. Нала эй Мавлои Хак тут бениёз. Шукри турд лом эй Худованди Худьой. Ат ди дьоди к,ак,ара йеданд кахой, Нала эй чорик Худьой нист ик ди фам. Ю цавудьчат тунд шитохьац на ту чой. Чис Худьой таред ю султон ё ю мир. Вадь ца хен руган асал ё кандкатир, Ат ту ар хьаб лови ё Мавло ю кай. Ё ю Мавло мис ту дастур мохигир. Эй пари, эй пари, вой Гулноро пари! Субхи дам нахьтуйд аз чид мохигир. Шахси номаълум пи винди дьод витир, Чуди дирд таъзим ху туйдат аз ви бат. Вехьт хитур калдодьи хунрангтир йи жир. Нав ю туйдат к,апи вам дьод мохигир. Нала жозум ик ди шахс дьам тезди гир, Цонди жехьт ат цонди вагд ат цонди кивд. Наи ар тагов ви вудат на пи тир. Чухьти вам жир ат вамандо нарх нист. Вам руханд цем кури сод дунё пидьист, Ч,ам дарав сид гирди ви халки диёр. Жир тамошо гурм ичиндать шич напист. Эй пари, эй пари, вой Гулноро пари! Ат фирипт йеданд ви гин дарои жир, Нала мурд дам дак беакли мохигир. Хузчинов аз канди педьо сут ви пуц, Нала най ид ногьд а дод султонкатир. Мурд ту дам дак уз ту фарзандум якин, Ат ди дьоди бар ди халк султон ризин. Нала мадак дам ху жир одамкухьард, Чуди ид нокас му кудак зери чин. Хер зибуд ар гул султон мардвор, Аз ризин нала карор мар сандвор. Жир на тунд ата на деванд бепалид, Жир амиранд чунки бойи мири кор. Мохигир гин нала эй дилсузи мир, Аз цавахтандат ту судьч дис пок вазир. Солхо аз мир цифият вари мурд, То гилимат бекасаб атласкатир. Эй пари, эй пари, вой Гулноро пари! Мохигир нала ку макет гал шарат. Йова мард нагьчид мард биландкад хушсифат, Яст бодь сат к-ид нигин аз дасти ви. Яст ю гахьт кихьт лаки масод кор галат. Кози нала дис цавид ёрон ку сет. Ик ви мард тар халки айронхези вет, Даки чуд арчирд гавхари нозанин. Бе шаратат бемалол дам жири зет. Дондавен аз дури во овоз ят. Эй ку мард хушкад ата хушноз ят, Ят сиревдов нокасен нохак шарат. Мири мулккатир дар огуш боз ят. Эй пари, эй пари, вой Гулноро пари! Баьд ви мирард нала эй шохи макон, И-кам гиник нала Худьой нист дар замон. Баьд муридарди ху гап таъна цачуд, Пас узум ят чун Худованди чахон. Жирум уз бона дисать вуд даргузар, Жиркатиюм чуд ту гогь аз хак хабар. Винтато дарройи порчаи нигин, Нокасенен турд цапардьод хамдигар. Мохигирард нала айронум а дуст, Аз ту кор хушнуди барчонум а дуст. Дам ху жир зи лоикат дам асли мард, Чунки бархак Шохи Мардонум а дуст. Мири мулк нала ида амла кинет, Дасту пои дев чахор баста кинет. Муминенхезард лаидард чои нист, Дев абад айвончинов кухьта кинет. Эй пари, эй пари, вой Гулноро пари!!!!